De islomi dəvəşey, dınyoədə ğərbi sultə bə oxo rəsey

Rəşti cımə İmom votışe: siyosi hisob kitobonədə, İron vey məşhurə vırə soybe iyən vey rə bə şərğ səmti, ğərbiku ğudrəti balanc obəqarde.

Bə Qiloni Tele-Rədyo aqentəti raporti əsos, Qilonədə vəli fəğih nımoyəndə və Rəşti cımə İmom, İmom Xomeyni(r)-i musəllaədə ım şəhri cımə nımoji xotbəonədə, de işorə bə şəhidon fidokorəti və İslomi İroni milləti muğavimət votışe: İslomi İnğilobi icod beyku vey muhimmə məsələ, İslomi tov vardeye və İroni həmişə məydonədə millət, inğilobi həssosə baxşonədə subit kardışone ki İslomi muğəddəsə nizomi hədəfonədə bəfodorin.

Ayətullah Fəlahti ditəsərrufat məhsulon istehsolədə bə Qiloni vırə və daxıli istehsoli əhəmiyyət işorə və əlovəş karde: Çay, avşum, zeytun və zəfəron iyən ğeymətinə sığon istehsol və ixracatədə, Qilon və İron vey yolə səhmışon heste və devlət bəpe dəvardəku vey daxıli istehsoləkəyonku himoyə bıko.

Qilonədə vəli fəğih nımoyəndə ijən beynəlxalğ şahrah ya magistralədə bə İroni kişvəri strateji mıvğiyət işorə iyən əlovəş karde: ım erjinə mıvğiyət, ğudrət və sərvətədə çəmə kişvəri vey məşhur və barzə vırə nışonəy.