Azərboyconədə ğaz, bərğ, ov iyən dəmonon baho bin

Azərboycnədə təbii ğazi, elektrik enerji, ov təchizati, bə kanalizasiya sistemi xıdməti,qamə sistemi iyən dəmon vasiton ğıyməton ros kardə bən.

Azərboyconədə ğaz, bərğ, ov iyən dəmonon baho binAzərboycnədə təbii ğazi, elektrik enerji, ov təchizati, bə kanalizasiya sistemi xıdməti,qamə sistemi iyən dəmon vasiton ğıyməton ros kardə bən. Bın barədə yanvari 2-də Tarif Şura məlumot pevolo kardəşe. Məlumotədə, sorədə istehlok həcm 1200 kubmetr bə hissə ro 1 kub metr təbii ğazi tarif 0,5 kopik(nimə kopik) ziyod-12 kopikiku bə 12 kopik nim hədd, 1200 kubmetriku tosə 2500 kub metr istifadə kardə hissə ro 2 kopik (10 faiz 20 kopikiku bə 22 kopik, 2500 kub metrisə ziyod istifadə kardə hissə ro 5 kopik (20 faiz 25 kopikiku bə 30 kopik məbləğ ros karde ğeyd kardə bə. Həmən 1 kubmetr təbii ğazi miyonə tarif bo əhali 1,3 kopik (8,7 faiz ros kardə bə.Elektrik istehsolədə istifodə bə təbii ğazi tarif 2 kopik (12,1 faiz ziyodi bə 18 kopik nim, sənaye və di təsərrufati ro 1 kubmetr təbii ğazi tarifən (9 faiz 22 kopikiku bə 24 kopik ros kardə bə.Tarif Şura elektrik enerji ğıymətşən 5 faiz ros kardə. Bo əhali manqədə istehlok həcm 200 kVts bə hissə ro 1 kilovatt saat elektrik enerji tarif (5 faiz 8 kopikiku bə 8,4 kopik, 200 kilovatt saatiku tosə 300 kilovatt saat hissə ro (11,1 faiz 9 kopikiku bə 10 kopik, 300 kilovatt saatisə ziyod bə hissə ro (15,4 faiz 13 kopikiku bə 15 kopik ros kardə bə.1 kilovatt saat elektrik enerji miyonə tarif bo əhali ro – 0,7 kopik (7,8 faiz ros kardə bə.De Tarif Şura bəyon karde, Azərboycon Devlət Ov Ehtiyoton Aqentəti təklifi ov təchizot iyən bo kanalizasiya sistemon xıdməti ro nuə tarifon təsdığ kardə bən. Bo əhali ro Boku, Sumqait, Xırdalan şəhəron, Abşeron rayoni ro bə ov təchizoti şəbəkə umjən karde ikərəninə tarif 200 mənot, bo əlidə inziboti ərozion ro 170 mənot muəyyən kardə bə. Bə kanalizasiya şəbəkə umjən karde ro tarifon Boku, Sumqait, Xırdalan şəhəron, Abşeron rayoni ro 345 mənot, əlidə inziboti ərozion ro 290 mənot təsdığ kardə bə.In tarifon bo yolə obyekton ov təchizoti ro lulə diametriku bə şıkrə 995-1 015 mənot, bə kanalizasiya şəbəkə umjən karde ro 1 635 mənot məbləğədə muəyyən kardə bə.Şura məlumotədə ğeyd bə ki, qami xıdməti ro manqədə bo 1 kvadratmetri 30 kopik məbləğədə təsdığ kardə bə.Ğıymət ziyodəti bə dəmon vasitonən şamil kardə bən. Şura bəyonış kardə ki, devlət ğeydiyyotədə bə 303 dəmon vasiton ğıyməti penə hədd təsdığ kardə bə, 46 dəmon vasiton ğıymət ros kardə bə.