Məhkəmə “Toplum TV” koy band qətəyonış dastqirətiədə oqətə
“Toplum TV” koy band cinoyət koy ro dastqirətiədə bə jurnaliston istintoğ mıddətədə dastqirətiədə oğəte mıddəti tosə apreli dıroz karde barədə Xətai Rayon Məhkəmə dekabri 27-də bekardə ğəroriku bə vəkilon apelyasiya şikoti yanvari 8 iyən 9-də Boku Apelyasiya Məhkəmədə diyə kardə bə
Məhkəmə “Toplum TV” koy band qətəyonış dastqirətiədə oğətə“Toplum TV” koy band cinoyət koy ro dastqirətiədə bə jurnaliston istintoğ mıddətədə dastqirətiədə oğəte mıddəti tosə apreli dıroz karde barədə Xətai Rayon Məhkəmə dekabri 27-də bekardə ğəroriku bə vəkilon apelyasiya şikoti yanvari 8 iyən 9-də Boku Apelyasiya Məhkəmədə diyə kardə bə.“Toplum TV” internet televiziya iyən portali təsisəkə, media ro ekspert Ələsqər Məmmədli, video-redaktor Muşfiq Cabbar, III Respublika Platforma spiker, Demokratik Təşəbbuson İnstituti rəhbər Akif Qurbanov iyən əlidə xonəxon məhkəmon co-co dəvonə bən.Bastə dəvonə məhkəmə prosesonədə əvon ıştənşonən iştirok kardə, de “Toplum TV” band cinoyət ko beəsos be,məğsəd mıstəğil media qəvi dəbastə be votəşone.Jurnaliston de siyosi sifarişi dastqir be, Azərboyconədə mıstəğıl məhkəmə sistem nıbe ro hakimonku ədolətinə ğəror çəş nıkarde bəyonşon kardə.Vəkilonən “Toplum TV” koy ro 10 manqisə veye ki, istintoğ şe, ənəndə xonəxo dastqirətiədə oğəte, bə məhkəmə nəzəşon rosniyə.Xətai Rayon Məhkəmə mıstəntıği çəvon dastqirətiədə oğəte barədə vəsatət iyən prokurori təğdimotış təmin kardə.2023-minə sor marti 6-də “Toplum Tv” internet televiziya redaksiyadə iyən Demokratik Təşəbbuson İnstituti ofisədə polison tərəfo nəvəy bardə iyən kəybə de mehı bə kilit jə bə. Dın cinoyəti 9 kəs bə cinoyət məsuliyyət cəlb kardə bə.Əvon de Cinoyət Məcəllə 206.3.2 (ğaçağmoləti – navədə daşt-bədast bə i dastə xonəxon tərəfo kardeədə) maddə ittihom bedən.Çəvon ofison iyən kəonədə kulli miğdarədə xarici valyut be iddio kardə bıboən, əvon ın ittihomi saxta, pulon polison tərəfo noə be votedən. 2023-minə sori noyabriku tosə ışət azərboyconədə 30 xonəxosə vey jurnalist iyən bloqer dastqir kardə bə.
