“Tolış Milli Kitobxonədə” tədbir dəvonə bə

Yanvari 18-də Lankoni Qirdəni diədə “Tolış Milli Kitobxonədə” tolışə ənıvışt iyən şairon təsis kardə “Amburi Soğnədə”, “Zizə” iyən “Ulum” ədəbi məclison təşkil kardə ədəbi tədbir dəvonə bə.

“Tolış Milli Kitobxonədə” tədbir dəvonə bəYanvari 18-də Lankoni Qirdəni diədə “Tolış Milli Kitobxonədə” tolışə ənıvışt iyən şairon təsis kardə “Amburi Soğnədə”, “Zizə” iyən “Ulum” ədəbi məclison təşkil kardə ədəbi tədbir dəvonə bə. Məclisədə əsosən şair Ramiz Likiji nuə çapo beşə “Çımı Vətən” kitobi iyən “Honi” əğılə jurnali 8-minə numrə barədə qəp jə bə.De “Zizə” ədəbi məclisi təşkilotəkonədə qılı, bın nomədə internet televiziya təsisəkə Bəhram Şəmsi sıxanon, joğo məclison dəvone bə tolışon istə moə zıvoni oğəteədə yolə rolış hıste. Əv , bın məclison həm cıvonon, həmən sininə şair iyən ənıvışton dəvət bedən, iyo məşvərəton bardə be votedə. De çəy fiki bo şair iyən ənıvışton moə zıvoni oğəte navınə planədə bənine. “Amburi Soğnədə” tolış ədəbi məclisi sərdor Şirəli Əliyar, əvon dın ro bə tolışi zıvoni məxsus sıxanon əlidəyonku co-bəco karde ro mulağaton barde bəyonış kardə.Əy, həmən məktəbonədə tolışi zıvoni tədris ro dərs vəsoiton nırəse, bı çımi ro bə “Tolışon Sədo” qəzeti nəzdədə “Honi” jurnali çap karde ğəror ome ğeydış kardə. Manqədə i kərə 300-400 qılə çap bə jurnal bə həmmə məktəbon kifoyəy kardəni, intasi bo tiraji ziyod karde maddi imkonon ni. Şirəli Əliyar devlətiku dastək çəş karde umuədə be bəyonış kardə.Dəvonə tolış ədəbi məclisi səbəbkorənədə bə “Çımı Vətən” kitobi muəllif Camal Lələzoə, həmən “Tolış Milli Kitobxonə” təsis bıkəyonədəy. Bə çəy bın təşəbbusi səbəbən bə əlidə kitobxonon tolışi zıvonədə kitob təğdim karde piyədə, ğəbul kardə nı be və bə əy “əmə tarsedəmon” cəvob bə.