Bə polis ıştənbəsəti barədə materialon ro cəzo

“Dunyaninsesi.az” sayti rəhbər, 2023-minə sori dekabriku dastqirətiədə bə Ərşad İbrahimov 8 sor ozodətiku məhrum kardə bə.

Bə polis ıştənbəsəti barədə materialon ro cəzo“Dunyaninsesi.az” sayti rəhbər, 2023-minə sori dekabriku dastqirətiədə bə Ərşad İbrahimov 8 sor ozodətiku məhrum kardə bə.Qəncə Qonə Cinoyəton Məhkəmədə bo əy hukm handə bə.De məhkəmə hukmi, de Ərşad İbrahimovi ivrədə muhakimə bə Əli Hacıyevən 5 sor ozodətiku məhrum kardə bə.Əvon de Cinoyət Məcəllə 182-minə (de tars ome tələbkarde) maddə ittihom bıbonən, ın ittihomi ğəbul kardə nin.Ərşad İbrahimovi məhkəmədə bəyonış kardə ki, əv bə jurnalist fəoliyyəti, xususən muxtəlif rayononədə polis ıştənbəsətiyon barədə rəhbərəti kardə saytəda pevolo bə materialon ro dastqir kardə bə.Yanvari 22-də məhkəmədə prokurori bo Ərşad İbrahimovi 9 sor ozodətiku məhrumkardə cəzo piyəşe.Vəkil Zabil Qəhrəmanov bo mıdafiə qəpi hozzo karde ro fəxt bıpiyoşən, bə vəkili fəxt doeku imtino kardə bə, əv bo qəp je məcbur kardə bə.Ərşad İbrahimovi ıştə oxonə sıxanədə, dırozə mıddət bə Mıtəşəkkil Cinoyətkorəti Mıbarizə İdorə təzyiğ və təğibon məruz mande bəyonış kardə.Bə ımi səbəbən polis ıştənbəsətiyon barədə vətəndoron şikoton rəhbərəti kardə saytədə pevolo karde bə.Vəkil Zabil Qəhrəmanov bəyonış kardə ki, hukmiku apelyasiya şikot bəkarde.Ərşad İbrahimov navkoən 2014-minə sori dastqir kardə bə be.Həmon fəxt əv 11 sor ozodətiku məhrum kardə bıboən,Apelyasiya məhkəmə çəy cəzo bə 10 sor, Ali Məhkəmə bə 5 sor eğandəş be.Əv, de əfv sərəncomi fəxtisə bə nav dastqirətiku ozod kardə bə be.