Bə vəkili de bloqqeron vindemoni icozə doə nıbe
Bə vəkili de bloqqeron vindemoni icozə doə nıbe
Bə vəkili de bloqqeron vindemoni icozə doə nıbe
Bə vəkili de bloqqeron vindemoni icozə doə nıbeBə vəkil Elçin Sadıqovi 15 numrəninə Cəzokəşə Muəssisədə de “xeberman.com” sayti rəhbər Polad Aslanov iyən bloqqer Rəşad Ramazanovi vindemoni icozə doə bə ni.Bın barədə vəkil Elçin Sadıqovi məlumot doəşe.Vəkili bəyonış kardə ki, əv yanvari 31-də bə 15 numrəninə Cəzokəşə Muəssisə bışoən, de mıvəkkilon vındemon karde zınəş ni. Bımi, cəmi i vəkil otağ be, əyoən əlidə vəkil hıste, vardə vonə bə.Vəkil, 2 saatisə vey çəş karde, bə əy mısbət cəvob doə nıbe ro cəzokəşə muəssisəku bə dumo oqarde votedə.Çand ta ruj bə nav Polad Aslanov və Rəşad Ramazanovi cəzokəşə muəssisədə huğuğon darıştə be xəbə doə bə be.Əvon oğətə şəraiti qon be və de məhbuson bevəcə rəftori həxədə məlumot doəşon be.Polad Aslanovi jimoni həmro Qulmirə Aslanova bəyonış kardə be ki, 15 numrəninə Cəzokəşə Muəssisədə oğətə bə “xeberman.com” sayti rəhbər Polad Aslanovi rəis mıavini kabinetiku və de çəy iştirokı bə ıştə xeyzoni zənq je məcbur kardə bəPolad Aslanov ımi bənə şəxsi jimon huğuğon darışte zınedə.De çəy sıxanonə, cəzokəşə muəssisədə bo 1146 kəsi hisob bə vırədə 1500 məhbus oğətə bedə, hıtə vırə nırəseku kali məhbuson zəmnisə hıtedən, şəraiti məğbul bə kameron dəbastə bən.Polad Aslanov 12 iyun 2019-minə sor tarixədə de bə İroni xeyr casusəti ittihom – de CM 274-minə (bə devləti xəyonət) maddə dastqir kardə bə.Əv, sıftə 16 sor ozodətiku məhrum kardə bıboən, peso de Ali məhkəmə ğərori dastqirəti mıddət bə 13 sor eğandə bə.Aslanov həmmə ittihomon rədd kardə, xususi xıdmət orqani koəkon dılədə korrupsiya fakton ifşo karde ro təğib kardə be votedə.Huğuğ mıdafiəkon əy bənə siyosi məhbusi zınəşone.AİHM çəy dastqirəti beğanuni be təsdığış kardə və təzminot təyin kardəşe.
