Xankəndiədə İlham Əliyevi oj kardə 3 hotel çe kiye?

Fevrali 19-də İlham Əliyev Xankəndi şəhərədə “Bulud” mehmonxonə oj kardə mərosimədə iştirok kardəşe. Prezidenti koon mudir Ramin Quluzadə bə Əliyevi mehmonxonədə kardə koon barədə məlumot doəşe.

Xankəndiədə İlham Əliyevi oj kardə 3 hotel çe kiye?Fevrali 19-də İlham Əliyev Xankəndi şəhərədə “Bulud” mehmonxonə oj kardə mərosimədə iştirok kardəşe. Prezidenti koon mudir Ramin Quluzadə bə Əliyevi mehmonxonədə kardə koon barədə məlumot doəşe.Navədən İlham Əliyevi 2024-minə sor iyuli 5-də Xankəndi şəhərədə “Qarabağ” iyən “Palace” mehmonxonon oj kardeədə iştirok kardəş be.Oxonə soron bə azərboyconi nəzarət ovaştə Xankəndi şəhərədə əsosinə bərpo bədiqə oj kardə lyuks hotel və restoranon bə ki məxsus be bə mutəmadi mulağaton səbəb bedə. Penc təbəğəninə “Bulud” mehmonxonə umumi sahə 5325 kvadrat metre. Mehmonxonədə bo 91 mehmonı ğəbul karde 45 numrə, “Lobby lounge”, kafe, oj və bastə restoranon fəoliyəti ro 50 kəs koqər hıste.Xankəndi şəhəri mərkəzədə bə dəbdəbəninə “Qarabağ Hoteli” dəvardə əsri miyonə soronədə bə istifodə doə bə. Hotelədə təmir-bərpo və nuəonoə koon bə jimon dəvonə bə peş bina bə sıftənə formə eğandə və bə sıftənə nom oqordonə bə.“Palace” mehmonxonədə 54 çəşmə, 300 mehmonı ro “Lobby Lounge & Terrace”, “Səhər Yeməyi Restoranı”, “Şirin Coffee & Bakery”, “Café Park”, “Dəfnə” restoranon fəoliyyət nuşu bədon. Mehmonxonə fəxtxoş iyən istirohət vıronəda SPA, sauna və bastə hovuz, idmon zal soxtə bə.“Palace hotel”ədə standart numrə 150-190 mənot, “Qarabağ” hotelədə standart numrə 240-340 mənote. “Bulud” hoteli ğıyməton barədə məlumot ni.Bə mehmonxonon sayti nəzə səğandeədə çəvon “Xankəndi Hotellər Kompleksi” çətıri jiədə be vinde bedə. Kommersiya onemonon devlət reyestrədə ın hotelon şəbəkə bənə “Azərboycon Respublika Prezidenti Koon İdorə “Xankəndi” Mehmonxonə Kompleksi” ğeydiyyato dəvardə. 2024-minə sor iyuni 4-də bə devlət ğeydiyyat sə bə kompleksi ğanuni təmsiləkə İlqar Orucəli zoə Huseynove. İyo ın mehmonxonon bə İlham Əliyevi məxsus be nəticə omə bedə.