Bo Tofiq Yaqublu hukm handə bə

Musavat Partiya və Milli Şura Koordinasiya Mərkəzi uzv Tofiq Yaqublu və de əy bə ico ittihom bə Elnur Məmmmədovi cinoyət koy ro məhkəmə proses bə orəx rəsə.

Bo Tofiq Yaqublu hukm handə bəMusavat Partiya və Milli Şura Koordinasiya Mərkəzi uzv Tofiq Yaqublu və de əy bə ico ittihom bə Elnur Məmmmədovi cinoyət koy ro məhkəmə proses bə orəx rəsə.Boku Qonə Cinoyəton Məhkəmədə dəvonə məhkəmə prosesədə Tofiq Yaqublu de oxonə sıxani qəp jəşe.Siyosi fəol bə məhkəmə oxonə sıxanədə tosə ısət barədəş 4 kərə cinoyət ko ros karde, navınə 3 məhkəmə əy taxsiko zıne, barədə cəzo hukm bekarde votəşe.“De ğətiyyəti votedəm, ın cinoyət və inziboti huğuğdarıştə ittihomon bə İlham Əliyevi, iyo ıştəni bənə hakimi elan kardəyon, bənə devlət ittihoməkə xonəxo, məhkəmə katibi və bın zalədə nıştəyon çanəndə aidiyyatış hıstebusə, bəmınən ənəndə aidde. Beİstisno həmmə ittihomon həvoədə peğətə və ımon həmmə de çımı muxalif siyosətmədor be anqıle”, – əy məhkəmədə oxonə sıxanədə bəyon kardəşe.Peşo de məhkəmə bekardə hukmi əsos, Tofiq Yaqublu 9 sor, Elnur Məmmədov 8 sor ozodətiku məhrum kardə bə.Tofiq Yaqublu 2023-minə sor dekabri 14-də dastqir kardə bə. De İttihomi, Elşən Huseynov nomədə xonəxo bə Almaniyaya şe, əyo vətəndorəti se ro de Elnur Məmmədovi vositə bə Tofiq Yaqublu 25 həzo avro və 10 həzo mənot pul doə bə.Tofiq Yaqublu ın ittihomi soxtə, hiç kiku pul nıstəne bəyon kardəşe.Elnur Məmmədov bə istintoğ bənə taxsikoə xonəxo cəlb kardə, barədəş dastqirəti ğətmko tədbir vıjniyə bə.Tofiq Yaqublu siyosi fəoliyyəti yığınəğədə çandi-çand kərə inziboti və dırozəmıddət dastqirətiədə bə.