Rəştədə "Qilon Con" festivali bərpo kardey

Rəştədə çı Qiloni sənətkoon dasti koon və de dasti patə iyən boftə bıə əsəron nımoyiş kardə bıə "Qilon Con" nomo festival həvəskoron mehmon kardedə.

Çın nımoyişqo təşkil kardə məsul şəxs Əli Xeyrəndişi votəşe:səyohətəkəyon,turiston və Qiloni ostani sakinon tərəfiku de dıjdə rəğbəti dimbədim omə çın festivali nımoyişqo baxşədə bə əsəron nımoyişi həsr bıə 30 qılə pavilyon mevcude.Kulinariya və aşpozəti mısobiğəon bərpo kardey və kuçə teatri nımoyiş çın nımoyişqo coqlə proqramonkuye.