Rusiya prezidenti bə Koreyə mınnətdoəti

RF Prezidenti bə KXDR, bə çəy lider Kim Çın Ini iyən ərteşi Kursk viloyəti ukraynə ğıvvon işğoliku ozod kardeədə komək be ro təşəkurəti kardəşe. Bəyonnomə Kremli press-xıdməti dərc kardəşe.

Putini ğeydış kardə ki,  "kоreyəvojə duston" ın komək bə həmrəyəti iyən həxe xoto bə.
Bəyonnomədə koreyə canqəvəron de şərəfi çəvon vədə noə vəzifə iyən aspardəyon bə vırə rosniye votə bedə.
"Rusiya mərdum hiç keynə Koreya xususi təyinatinə ğıvvon ğəhrəmonəti çe yodo nibebaka. Rusiya iyən çəmə bə ico ozodəti roədə şəhid bə Koreya canqəvəron hojo dılonədə bəjiyen", - bəyonnomədə ğeyd kardə bə.
Bəyonnomədə Koreyə canqəvəron Kursk viloyətədə deşmeni həmlə və qəte ro bə Rusiya  ğıvvon kömək beynəlxalq huğuğ normon, həmən 19 iyun 2024 minə sor RF iyən KXDR miyonədə bastə dıtərəfinə strateji sozişi çərçivədə be nıvıştə bedə.
RF prezident, canqədə ğoym bə dıtərəfinə dustiyəti, hamsuəti iyən həmkoəti həniən barz be umu karde ğeydış kardə.