Almaniya XKV Berbok İMT Qenassambleyə sərdorəti nomizədəti 

Almaniya Xarici Koon Vəziir Annalena Berboki bə İbə Milləton Təşkiloti Qenassambleya nomizədəti bə nav doe çe im vəzorəti həmkoon miyonədə bə noroziəti səbəb be barədə Der Spiegel jurnali məlumot pevoloş kardə. 

Berboki bin vəzifə navkonə nomizədi çoko bə daşt dənoe bə diplomaton şəsti ğoym qınə. De jurnali nıvıştəy, joğo səçıniku vey diplomaton təəccub kardən, çumçoko, XKV Almaniya 2027 minə sorədə çe İMT Əmniyyətə Şura sobit nıbə uzv be hərəkət kardə be. XKV kali həmkoon işət ehtiyot kardən ki, Berboki hərəkəton ın eçıni dəbarışten.
Əvon həmən, Berboki təyinotı, çəy antirusiya iyən antiisrail ritorika ro bə qlobal cənub keşvəron bə Almaniyə əloğon neqativ təsir karde bəyon kardən. 
Almaniya hokuməti marti 18-də Berboki nomizədəti bə İMT QA sərdori vəzifə bə nav doe bəlli bə be. Navədə AFR XKV  təcrubəninə diplomat  Hеlqi Şmidti tərəfdor be.