Taleh Bağırzodə bə vəşyənəti bino kardəşe 

Mısılmon İbemon Hərəkari dastqirətiədə bə sərdor Taleh Bəğırzodə bə Netanyahu Azərboycon səfəri etiroz vəşyənəti aksiya bino karde votə bedə.

12 numrəninə cəzokəşə muəssisədə dastqirətiədə bə Mısılmon İbemon Hərəkati sərdor Taleh Bağırza bın aksiyə ro bə karser dənoə be barədə sosial mediada məlumoton pevolo kardə bən.
De pevolo bə məlumoti, ilahiyyatşunos Haci Taleh Bağırzadə İsraili Sər Vəzir Benyamin Netanyahu bə Azərboycon səfəri etiroz may 1-ku bə vəşyəniti aksiya binoş kardə və har kəsıən bın etirozi umjən qınye dəvət kardəşe.
Dastqirxonə rəhbərəti de əy didorədə çəyku vəşyənəti aksiya oğəte tələb kardəşe.
Taleh Bağırzadə, əğlon ğatil, bə insonəti əleyh çanəndə cinoyəton kardə xonəxo bə azərboycon ome etirozi onığəte bəyon kardəşe. Çe ımi bədiqə, rəhbərəti tərəfo bə cərimə kamera dənoə bə.
Məlumotədə holiədə ilahiyyotşunosi 12 numrəninə cəzokəşə muəsisə karserədə be votə bedə.
Penitensiar Xıdməti dın məsələ band mınasibət zınə bedə ni
İsraili Sər Vəzir Benyamin Netanyahu may 8-də bə Azərboycon rəsmi səfər eçın qətə bə.
Nardaran hadison ro dastqir kardə bə Taleh Bağırzodə 10 sore ki, dastqirətiədəy. Devlət peqordone cəhd, siloh-sursot oğəte, ğəsdo odəm kışte maddon qınoko zınə bə  ilahiyyotşunos bə 20 sor ozodətiku məhrum kardə bə.
Taleh Bağırzodə ittihomon ğəbul kardə ni, siyosi motivon ro dastqir be bəyon kardə.