BRİСS İMT islohot barde vanq kardə

BRİKS keşvəron İMT islohot barde və Braziliyə de Hindistani bə əmniyyətə şura daimi uzv karde vanq kardə.

Bın barədə BRİKS keşvəron Xarici Koon Vəziron Rio-de-Janeyroədə dəvardə didorədə bə ico ğəbul kardə deklarasiyədə votə bedə. Didorədə, bə beynəlxalq huğuği zidd bə itərəfinə sanksiyon əleyh, dıtərəfinə savdı de milli valyuta karde iyən de torrorizmi mıborizədə dıkərəninə standartonku istifadə nıkarde ğeyd kardə bə.
Vəziron ğəbul kardə bəyonnomədə Suriyə respublika Latakiya və Tartus əyolətonədə insonon kışte mohakimə kardəşone, məntəğəku terrorizmi pevolo beku norohət be və Ğəzza tanqədə otəş bırye barədə muloğoton dəvom karde tərəfdor be votəşone. Əvon, ukraniyədə canqi iyən Sudanədə krizisi rə həlli tərəfdor be bəyon kardəşone.
Didorədə, kosmosədə bə siloh bəhs benışe, bo qlobal cənub keşvəron suni intellekti inkişaf kardovne  iyən nuvə silohi pevolo be vəy se ro mexanizmon onoe vocibəte ğeyd kardə bə.