Bokuədə təriğət uzvon dastqir kardə bən

AROPL “Əhmədi Sulh və Ruşnə Din” (AROPL) təriqəti uzvonədə dı kəsi Bokuədə dastqir kardə be xəbə doə bedə

Bokuədə təriğət uzvon dastqir kardə bənAROPL “Əhmədi Sulh və Ruşnə Din” (AROPL) təriqəti uzvonədə dı kəsi Bokuədə dastqir kardə be xəbə doə bedə.Hadisə şəhəri Nəsimi rayoni Azadlıq prospektədə – “28 Mall” ticorət mərkəzi vədə qıne iddio kardə bedə.Ğeyd kardə bedə ki, 1987-minə sor təvəlludin Teymur Əliyev və 2001-minə sor təvəlludin Həsən Cavadov 2 metr hevujiədə plakat oj kardəşone. Plakati səpe AROPL-i təblığ kardə şuaron, “Abdullah Haşimi zuhur kardəşe” nıvıştəyon bən. Ticorət mərkəzi vədə qətə plakat bə odəmon dığğəti cəlb karde və həmonə xonəxon miyonədə bə hese-besi səbəb bə. Bə ərozi omə polison plakati dəparçıne tələb bıkonən, Teymur Əliyev iyən Həsən Cavadov bə polison tabe nıbe səbəbiku bə 22-minə Polis Şebə bardə be, barədəşon inziboti protokol onoe votə bedə. De Nəsimi Rayon Məhkəmə ğərori har dı kəs 10 sutka dastqir kardə bə.Dastqir bəyon ıştəni bənə AİŞ-də jimon kardə Abdullah Haşim Aba El-Sadıki onoə AROPL (Sulh və Ruşnə din) dini nımoyəndə təğdim kardən.1983-minə sor təvəlludin Abdullah Haşim mıddəti bə nav ıştəni bənə dıminə İmom Mehdi təğdim karde onoə dinış elon kardə.Bə AROPL dini sitoyiş kardəyon navədən Fəvvaron Meydonədə aksiya dəvonəşon be.De sosial şəbəkonədə pevolo bə məlumoti, apreli 22-dən təriğəti 6 kəs uzv Nəsimi rayoni Cəfər Cabbarlı bırhozi tono dini plakatonşon oj kardə.Əvonən polison tərəfo qətə bən, intasi barədəşon hiç qılı məlumot ni.