Tocikistoni bə İroni təklif

Тocikiston bə İroni bə ico sənaye park onoe təklif kardəşe.

In fik TR sənaye iyən nuə texnoloqiya vəzir Şerali Kobiri de İR prezident administrasiya rəhbər mıavin Əlinəcəf Xorşedi Tehronədə Iran Expo-2025 şərqi çərçivədə sə qətə didorədə bəyon kardəşe.
Kobiri ğeydış kardə ki, Duşənbə İroni texnoloqiya iyən investiyonədə ciddi marağine və Tocikostonədə nuə texnopark de iron koy odəmon iştirakı çe sənaye həmkoəti mərkəz be bəzne. Holiədə İron şirkəton bə nuə proyekti umjən qınye ro dəvət səşone.
TR nımoyəndə heyət səfər çərçivədə İroni innovosiyə iyən texnoloqiya mərkəzədə bən, de oxonə noiliyəton oşnə bən. Duşənbə de mərkəzi həmkoəti vey umu kardedə.
Holiədə İroni ın mərkəz de 10 000 şirkəti həmkoəti kardedə, çımonədən 700 qılə daimi ekspoziya hısteşone. 
Çimi navədən TR prezidenti de İR DKV əmniyyətə koədə əlağon her-hovuj karde barədə mulağatonış bardə be.