Qilonədə Ğıbonə idi nımoj handey bıə
Imruj Qiloni ostanədə Ğıbonə id və çe nəfsiku perəxey ruji,imonin iyən Xıdopərəstə Qiloni mərdum Ğıbonə idi nımoji handə holədə ıştə bandəçəti şukrışon bə vırə rosnə.
Qiloni muxtəlifə şəhronədə bıə ibodətəkəyon Ğıbonə idi nımoj bərpo bıə vıronədə cəm bıə holədə,de imoni pur bıə qıləy fəzo və atmosferədə ibodətışon kardə və ıştə bə Xıdovəndi bıə sədoğətışon ifodə kardə.joqo ki,və əvon de ın dıjdə İbreymi idi munasibəti iyandeşon təbrik kardə və iqlə səf və cərqəonədə İslomi vəhdəti coqlə təzahurışon bə numayiş noə.
Rəştədə Ğıbonə idi nımoj de Ali Rəhbəri Qilonədə bıə numayəndə Ayətullah Fəlahəti imoməti çın şəhri İmom Xomeyni(r.ə) musəlloədə handey bıə.
Həmçinin Ğıbonə idi nımoj Tolışi şəhrədə de çın şəhri mıvəğğəti cımə imom Huccətul-İslom Vəl-Muslimin Purşəhbazi rəhbərəti və de mumin iyən viloyətmədorə insonon huzuri Tolış şəhri məçitədə votə bıə.
Ğıbonə idi nımoj Masalədə həm ımruj de çın şəhri mıvəğğəti cımə imom Huccətul-İslom Vəl-Muslimin Azmudə imoməti və de Masali şəhri məçiti əhli hovujə huzur iyən iştiroki bərpo bıə.
