Sionist rejimi bə İron təcavuzi peşto çiçon hestin?
Sionist rejim bə İron təcavuzi, bə İslam Respublika atom siloh soxte imkon nıdoe bəraət bıdoən, çe ımi qılı vonə be dınyo zınedə.
De AİŞ dast-bədast bə sionist rejimi bə İron təcavuzi peştono Natanyahu ıçtə hakimiyəti oğəte, dastqir nıbe, Trampiən ıştə ıştə eqoistə siyosi məsəlon həll karde mandə.
Vey yolə qılı avtoritet mənbə joğo bəyonatış pevolo kardə.
De mənbə doə xəbə, 2009-minə sori AİŞ prezident Obamə bə Natanyahu bə İron Fordo nuvə obyekt hucumi icozə bıdoən, bəvədə əv joğo qəmiku opırtiyə be.
Bın barədə navkonə amerikə diplomat, C. Buşi administrasiyədə Devlət deportamentədə siyosəti hozzo kardə direktor, B. Klintoni prezentətiədə Nezə Şərği ro xısusi kordinator, holiədə Vaşinqtoni nezə şərği siyosəti instituti elmi koəkə Dennis Rossi bəyonış kardə.
De vey eksperton fikiən Natanyahu oxonə soron həmmə təcovuzon peşto iştə hakimiyyəti oğəte məğsəd mandə, çumçoko qirəm əv ıştə hakimiyyəti qin bıko bəvə dastqir kardə bəbe.
