Bə İroni nuvə obyekton hucumon bəpe dərhol oqətənin bıbu
Rusiyə: bə İroni nuvə obyekton hucumon bəpe dərhol oqətənin bıbu,çe israyili təcavuz məhkume.
Rusiyə Vyanadə vağe bıə beynəlxalğə təşkilotonədə numayəndə Roman Ustinov çı seonist rejimi bə İroni nuvə obyekton zidd hərbi təcavuzış bə beynəlxalğə huğuği,bə ABEA-i nizomnomə,bə İMT nizomnomə,Əmniyyət Şura ğətnomə və bə BAET-i Sər Konfransi zidd hisob kardedə və bə çın təcavuzkorə hərəkəton dərhol oqətey vocibəti təkid kardəşe.
Rusiyə Vyanadə vağe bıə beynəlxalğə təşkilotonədə numayəndə Roman Ustinov de Riya-Novosti aqentəti interviyuədə de ğətiyyəti ABEA-i İdorə Heyəti oxonə iclosədə çe sehyonist rejimi hucumon məhkum kardeyku xəbəş doe və voteşe:bın iclosədə de sayir ziyodə kişfəron de zumandə diplomatikə dastəqi formə İronışon himoyə kardə və çe israyili bə İroni Aqentəti muhafizə jiyədə bıə sulhamizə atomi obyekton zidd hərbi təcavuzışon de oşkoəti məhkum kardə.
Ustinovi əlovəş kardə:ğərbi kişfəron bə nuvə əmniyyəti mevzu hiç qıləy dığğət nışon doydənin.ın məsələ çımi bənav çe ukraynə barədə və çe ukraynə hərbi ğıvvon bə Zaparojiya iyən Enerqodar şəhron stansiya həm de vazehə şikili oşko be.
Urusə diplomat dəvardə haftə oxonə iclosədə de bə Moskva de ABEA-i İdorə Heyəti bə İroni zidd ğətnomə mıxolifəti işorə kardey,əlovəş karde: Çın ğətnomə tərtibotçiyon bo məsələ şiddətin beyku xaric beyro hiç qıləy strateqiyəşon nəzədə qətəni.bə zəmon ın çın prosesi oxo de jıqo fociyəvi hodisəon bə əməl omey təsəvvır kardey vey saxt be,əmmo ısət həm ruşine ki,çəvon hiç qıləy strateqiyəşon ni.
