De sehyonist rejimi həmkoəti kardə har qıləy kişfər çəmə ğanuni hədəfe

İroni Xatəm Ənbiya(s)ğərolqo sıxanəvot: de sehyonist rejimi həmkoəti kardə har qıləy kişfər çəmə ğanuni hədəfe

Xatəm Ənbiya(s)Mərkəzi Ğərolqo sıxanəvoti votəşe:Əmə xəbərdorəti kardedəmon ki,har qıləy kişfər bə seonist rejimi koməq kardero de kəşti və ya təyyorə har qıləy hərbi və ya radari təchizoti vığandey,bənə bə İslomi İroni zidd təcavuzədə iştiroki zıney bəbe və çe silohinə ğıvvon ğanuni hədəf bəbe.

Bə Pars-Tudey bə İRNA istinodən doə xəbə əsos,Xatəm Ənbiya (s) Mərkəzi Ğərolqo sıxanəvoti çe İroni de ğəsbkorə seonist rejimi canqi şemoni əloğədor oxonə hisobotonış jıqo təsvirış kardə:Bə silohinə ğıvvon kəşfiyyoti məlumoton əsosən,ğəsbkorə seonist rejim,bə dınyo məxsusən bə amerkə vey mıosirə iyən vey boho ğıymətinə mudafiyə sistemon malik bey rəğmən,İron İslom Respublikə silohinə ğıvvon raket və bepilotə pəremoni aparaton təsirin və ğoymə zərbəon bədiqə,radar və mudafiyə imkonon qıləy əhəmiyyətinə hissəş qim kardə.Əy,dəvomış kardə:“Əmə xəbərdorəti kardedəmon ki,har qıləy kişfəri tərəfiku bə seonnist rejimi imdod kardey məğsədi kəşti və ya təyyorə har qıləy hərbi və ya radari təchizoti vığandey,bənə bə İslomi İroni zidd təcavuzədə iştiroki zıney hesab və çe silohinə ğıvvon ğanuni hədəf bəbe.