Qilonədə "Bo İroni Huseyni Mehr " nomo xundoey kampaniya

Qilon əyoləti Xunitransferi Mərkəzi Sər Direktori votəşe:Qilonədə xundoey kampaniya tədaruki de dəvomin iyən dayimə şikilədə təmin kardey məğsədi bino bıə.

Bə Qiloni Tele-Rədyo Aqentəti məlumoti əsos,Babək Pakdel ımsornə xundoey kampaniya de "Bo İroni Huseyni Məhəbbət " nomo şuori çe Məhərrəmə mo 1-ədə bino bey və tosə Səfə manqi oxo dəvom kardey işorə kardə holədə votəşe:In kampaniya çe Həzrət İmom Huseyni(ə) əzodorəti zəmonədə bə cokəson koməq kardey və jimonədə bo baxşışi mədəniyyəti təbliğ kardero qıləy erjinə fırsəte.Əv,bə çın viloyəti qırd xuni qrupon dayimiyə niyoz iyən ehtiyocon işorə kardə holədə əlovəş kardə:Imsornə sori iminə rubədə 24 həzo 93 nəfəri xunış doə ki,ım həm de ponə sori eyni devri mığoyisədə 2,31 fayiz ziyodəti mənodəy.