Əziz-Qıromiyə şəhid Məhəmməd Hemməti Nejad İstəlx Kuhi dəfn mərosim bərpo bıə

Əziz-Qıromiyə şəhid Məhəmməd Hemməti Nejad İstəlx Kuhi dəfn mərosim Rudbar şəhrədə de dıjdə izdihom və rəsmi şəxson huzuri bəcio bərpo bıə.

Bə Qiloni Tele-Rədyo Xəbə Aqentəti doə məlumoti əsos;Əziz-Qıromiyə şəhid Məhəmməd Hemməti Nejad İstəlx Kuhi dəfni mərosim Rudbar şəhrədə de dıjdə izdihom və rəsmi şəxson huzuri bəcio bərpo bıə.çın Əziz-Qıromiyə şəhidi 15 və 7 sinnədə dıqlə zoəş mandə.Əziz-Qıromiyə şəhid Məhəmməd Hemməti Nejad İstəlx Kuhi Tir manqi 2-ə ruji Həşi 1404-ə sori  de bədnomə sehyonist rejimi bə Tehroni Evin zindoni kardə hucumi nəticədə bə barzə şəhodəti dərəcə rəsə.

Xıdməti roy şəhidi Əbulhəsən(Şəhram) Şərifi cənozə de xalği mıxtəlifə təbəğəon iştiroki Rudsər şəhri Kələçay rayonədə təşyi be və çın vətən şəhidi cənozə Kələçay Siyar-Sitaq diyədə çe şəhidon vılzorədə dəfn kardey bıə.Şəhid Şərifi çe ğəsbkorə seonist rejimi bə Tehroni Evin zindoni kardə hucumi nəticədə bə barzə şəhodəti dərəcə rəsə.

Tehronədə çe seonist rejimi bəisə hucumi nəticədə şəhid bıə şəhid Mehrab Bəşorati Bəndər Ənzəliyədə təşyi cənozə iyən dəfn mərosim bərpo bıə.çın şəhidi pokə cənozə zinə Ənzəli porti ğədrşınosə mərdumi tərəfiku çın şəhri Pasdaran kuçədə vağe bıə çe Sepah ğərorqoyku tosə İmom Xomeyni(r) meydoni bardə bıə və çəy moəku bıə çın şəhri Lijarəki diyədə dəfn kardey bıə.25 sinninə əskər Mehrab Bəşorati Bəndər Ənzəlikuye və çe seonist rejimi bə Tehroni Evin zindoni kardə hucumi nəticədə bə barzə şəhodəti dərəcə rəsə.