Miyonə Asiyə bə Ğərbi səmt hərəkət kardə.

Ğəzəxston de Sinqapuri ST Engineerinq kompaniyə arteleriyə silohon istehsoli ro zovod ejənə proyekti binoş karde.

Ğəzəxstoni tərəfo Kazakhstan Paramount Engineering (KPE) kompaniya proyekte həmtərəfe. Ğərəz bımi, Ğəzəxston Hərbi ğıvvon de vocib silohon təmin karde ro prioritet proyekton hozzo kardə bən. Bın məğsəd keşvəri xəzinəku 120 мld теnqe co karde, xarici investesiyon cəlb karde eçın qətə bə. De Çin, İƏƏ, Тırkiyə, Qətər, Sinqapuriku bə potensial investeron muloğaton bardə bedən.
Ğəzəxston de Tırkiyə fəol hərbi-теxniki həmkoəti kardə, вə ico zərbə jə bepilotə ANKA ıştənpəron istehsol kardedə. Ğəzəxston həmən MA ən dıjdə uran və nodirmetal istehsiləkəye.  2023-minə sori martədə de Yolə Britaniyə bə ico uran və əlidə vocib resurson istehsoli ro strateji soziş imzo kardə bə..
May 30-də Аstanadə «Miyonə Asiya–İtaliya» iminə sammit dəvardə.  De Ğəzəxston Respublika prezidenti sərdorəti dəvardə sammitədə, İtaliyə Sər Vəzir Corca Meloni, Ğırğızstoni prezident Sadır Caparov, Тocikstoni prezident Emoməli Rəhmon, Tırkmənistoni prezident Sərdor Berdıməhəmmədov, Uzbəqistoni prezident Şovkət Мirziyoyev iştirok kardəşone. Səmmiti оxoədə bə ico, strateji həmkoəti nığıl kardə deklarasiyə ğəbul kardə bə. De İtaliyə həmkoəti – de Avropa İttifoğe strateji əlağon qılı hisse.
Miyonə Asiyə əmandə keşfəronən bın səmtədə fəol ko kardən.