Əbu-Dəbi mulağaton kali nunəkılə məğamon

İyuli 10-də İƏƏ Əbu-Dəbi şəhərədə Əliyevi de Paşinyani həm de nımoyəndə heyəti, həmən dı-bədı 5 saatisə dıroz dəkəşə didori nunəkılə məğamon qədə-qədə oşko bedən.

İyuli14-də AİŞ Tırkiyədə səfir Tоm Bаrraki bəyonış kardə ki, AİŞ Azərboyconi çe Ermənistoni miyonədə Zənqəzur koridori idorəti, dı hamsuə keşfəri miyonədə muloğaton həlli ro bəştə qiy peğəte  hozzoe. De eksperton fiki, Zənqəzur koridori bə 100 sor kirə peğəte əsos və muhum məğsədonədə qılıən, АİŞ məntəğədə ıştə pozisiya ğoym kardeye.
De dı keşfəri miyonədə konflikti həlli nomi Vаşinqton bəştə se opponenton - Моskova, Аnkara iyən Теhroni təzyiğ karde bəzne. 
Ğərəz bımon, ın nəğliyyat marşruti idorə karde həm bə İİR, həmən bə RF marağon zidd qıli eçıne, çumçoko bəvədə rusiyə ıştə bazə ermənistoniku bekarde məcbur bəmande. Koridori idorəti bə dast se həmən vəyoməyonədə ıştə şərton bə məntəğə ğıvvon diktə karde imkon bədo. Qirəm azərboycon bə ın koridori həlli nail bıbo, çəy de tırkiyə əloğon həniən zumand bəben, bəvədə erməniston keşfəri mande muyku bə şıkrə bəbe, miyonə asiyə bə canqi meydon pebəqarde.. AİŞ bə erməni lobbi ımoni çok bə sə dəşedə, əve Yеrevani kali ğıvvon təziyiğiku ozod be imkonış hıste.
Koridori dırozo 32 km. Ermənistoni tərəf koridori ıştə nəzorətədə oğəte, bə tırkiyə dəvardə hissə naxçivoni əroziku okırniye təklif kardə.