Tolış şəhrıstoni cımə İmom: sionist rejimi zot, həmlə və təcavuze 

Tolış şəhrıstoni cımə İmom de kali Tolışi mədəniyəti fəalon vindemonədə: sionist rejimi zot, həmlə və təcavuze.

Huccətul İslom vəlmuslimin Doktor Nurzad bə İroni ələyh sionist rejimi həmlə barədə votışe: ım bə İroni ələyh sionist rejimi iminnə həmlə nıbe, bəlkəm ım rejim iminnə kərəro muğəddəsə mudafiə 8 sor məcburi canqi mıddətədə bə İron həmləş kardə be, həmonə zəmonədə sionist rejimi vəzir votışe ki İroni inğilob buməlarzəy ki çəy larzə bə əmə həm bərəse, çən əmə bəpe çımiku bənav ki ım larzə bə əmə bırəse bəy həmlə bıkəmon boçi ki əmə bəpe məntəğə səbarzə ğudrət bıbəmon.

Tolış şəhrıstoni cımə İmom de işorə bə sionist rejimi həmləon nəticəon votışe: ım hodisə iminnə nəticə ım be ki çəmə kişvər atomi beynəlxalğə aqentəti be hisob və kitobə nəzorəti jiku xarıc bıə və de NPT rabitədə təhəhudaton bə kəno noey, çəmə atom enerji fəaliyəton əmniyyətədə ğəror bıqəto.

2minnə nəticə ım be ki milli vəhdət, vey barzə səviyədə bə inkişof rəse və ım həm vey yol, ıəmn və stabilə sərvəte və ım milli vəhdət de həmmə səliğəon və meylon be ki deşmoni noumuş kardə. iyən əsri beynəlxalğə hisob-kitobonədə vey yolə məğlubiyət ğeydış karde.

Huccətul İslom vəlmuslimin Doktor Nurzad dəvomədə əlovəş karde: jəğo ki sərdor şəhid Ğasım Suleymani çand kərə elonış kardə be, əmə İroni hərəm zıneydəmon və əmə şəhodət və İmom Huseyn(ə)-i millətimon.