Siyoniston ıştə eçınonku dast peğətdənin

Siyonist rejimi sədə mandə ğıvvon məntəğədə bə insonon sə vardə ğeyri bəşəri hərəkətonku dast kəşe fikədə nin.

Bın koədə kənoə sionistə ğıvvon bə İsraili dastak be dəvom kardedən. Bın davərdə rujonədə «Mоssаd»i rəhbər David Bаrnea bə Vaşinqton səfər şə. Çın səfəri məğsədən AİŞ-ku dastak se bə. De qətə eçıni AİŞ bə kali keşvəron Ğəzzə fələstinə əhali ğəbul karde ro bəvon təsir kardəniye.De Axios nəşri doə məlumoti, İsrail ın eçıni bə jimon dəvone ro bə Efiopiya, İndoneziyə və Liviyə ovardə. Isət nubə çe AİŞ-e, əv ın keşvəri rəhbəron bə ro varde cəhd kardəniye.

İndoneziyə mətbuati navədə xəbə doəş be ki, bə indoneziyə maliyə dastək ın məsələ həlli ro çokə stimul be bəzne.

Vaşinqton didori məşvərət kardə məsəlonədə qılıən suriyə ərozi de druzon xilos vonə zəbt kardeye, ki bə ımiyən muəyyən ğədər nəsib be zınən. Hodison dı formə cərəyon karde məntəğə vey bəloon hələ navədə be işorə kardedə.