Qilonədə qilos və albalu ya həmonə vaştımi qırdə kardey oxo

Qiloni boğonku 111 milyard tımənisə ziyodə erjədə 828 ton qilos və albalu ya həmonə vaştım qırdə kardey bıə.

Qiloni Di Təsərrufoti Cihodi direktori votəşe:Imsor 320 Qiloni boğonku viloyətədə 224 hektar boğə sahəonku 82 milyard tımənisə ziyodə erjədə 586 ton qilosi məhsul cəm kardey bıə.

Mənuçehr Parsafəri əlovəş kardə:Həmçinin,ımsor 347 Qiloni boğəvonon bın əyolətədə 139 hektar miyvə boğonku 29 milyard tıməni erjədə 242 ton qilosi məhsulu qırdə kardey bıə.Qiloni Di Təsərrufoti Cihodi direktori əlovəş kardə:Viloyəti boğonku qilos və albalu ya həmonə vaştımi məhsuli qırdə kardey har sor xordadə manqi oxoyədə bino beydə və tosə tir manqi miyonə dəvom kardedə.Qilonədə muvofiğən Tolış,Rudbar və Siyahkəl məntəğonədə qilos və albalu ya həmonə vaştımi perosniyə bıə bə dıjdə əraziyon malike.