Kaspiədə İron-Rusiyə təlimon

İyuli 21-də Kaspi diyo akvatoriyədə bə se rujinə rusiyə-iron hərbi-dıyo CASAREX-2025 təlimon start doə bə.

Rusiya SB738 kəşt bə ico təlim dəvonə vırə omə və de təntənə İroni HDĞ tərəfo istikbol kardə be barədə İR «Tasnim» xəbə aqentəti məlumot doəşe.
Dı kəşfəri hərbi-dıyo komandanəti  didor bə İmom Rza nom IV hərbi-dıyo rəyonədə dəvardə.
Dı keşfəri hərbi-dıyo ğıvvon və İİMK  se rujinə təlimon məğsəd dıyo əmniyətəti kordinasiya ğoym kardeye. 
Məntəğə muhum dıyo bə nəzorət se strateji ambisiyəninə təlim de «Вə ico beəmniyətə və hifzinə Kaspi dıyo» şuari dəvardə.
Təlimonədə kaspi ətrofi mandə keşfəron bənə musahidəəkon iştirok kardən.
CASAREX-2025 təlimon bənə «hibrid dıyo xilosəkə əməliyoti» bə ğələm doə bedə, ımən ın manevron bə vey pillənin be işorə kardə.
Təlimonədə dıyoədə bə fevğaladə holon, ico dəvonə xilosəkə əməliyoton kordinasiya və dı keşfəri hərbi-dıyo ğıvvon əlağon zumand hərəkəton bə jimon dəvonə bəbe.
In təlimon dı keşfəri miyonədə hərbi həmkoəti barz be və çəvon kaspi məntəğədə pozisiya ğoym be numoyiş kardedə