Zənqəzur koridor bə kirə doə bəbe

De İspaniya "Periodista Digita" nəşri nıvışte, Paşinyan Ermənistoni bə AİŞ iyən Tırkiyə коntrol doydə.

Nəşr, çe erməni diaspora pevolo kardə, AİŞ, Erməniston iyən Azərboycon miyonədə bə nunəkılə memorandimu istinod  kardə. Memorandumədə, dırozi 42 bə, ER Syunik viloyətiku dəvardə, Azərboyconiku bə çəy eksklav  "Trampi pard" nominə nəğliyot marşrut soxte eçın qətə bedə.
Nəğliyot koridori idorəti amerika xususi kompaniya tərəfo bə jimon dəvonə bəbe. Marşruti istifodəku omə ğəzənci 30%  bə Ermənistoni bərəse. De nəşri nıvışte bo memorandumu se keşfəri tərəfo roziəti doə bə.
Məlumotədə ğeyd kardə bedə ki, "Tramp pardi" mıhafizə təğribən 1000 xonəxoku onoə bə, zu tətbiğ səlohiyətinə amerika xususi hərbi kompaniya tərəfo bə jimon dəvonə bəbe.
Nəşr nıvıştə ki, ım faktiki Ermənistoni amerika xususi təyinoton tərəfo işğole, əve erməniston nə  çe Aİ , nəən çe Fransa partner be əzıni. АİŞ onoə nuə siyosi vəziyyət ER sədo huğuğiku, Fransən məntəğədə ıştə marağon hifz kardeku məhrum kardə.  Erməniston ıştə ərozi i hissə bə AİŞ, Tırkiyə və Azərboyconi marağon ğıbon doydə. Im həmən AİŞ və İİR miyonədə məsofə çe miyono peğətedə ki, ımən məntəğədə yolə mıharibə ehtimoli həniən barz kardedə.
Memorandumi rəsmi imzo karde bədiqə, Erməniston həm de-fakto, həmən de yure çe AİŞ və Tırkiyə nəzorətədə bə koloniya pebəqarde, ımən bə İroni və Rusiyə vəynə hərbi aqresiya ro plasdarme.