Оbamə bə devləti xəyonətədə ittihom bedə

AİŞ milli kəşfiyoti derektor Tulsi Habbardi ıştə brifinqədə bəyonış kardə ki, Barak Obama, Rusiya bə amerika səçınon mıdoxilə anqıl duvə məlumotonədə kəşfiyot onemonon nomo istifodə karde bənə devləti xəyonət ğıymət doe bəbe.

De çəy sıxanon, dın məğsədi Trampi diskretasiyə və amerika siyosəti nəzorətədə oğəte ro sənədon falşiv kardə, fakton əvəz kardə bən.
Real kəşfiyot hisobatonədə votə bə ki, rusiya tərəfi 2016 minə sori noyabr səçınon mıdaxilə karde nə məğsəd, nəən  imkonşon bə.
Sipiyə Kə rəsmi nımoyəndə Каrоlin Levittiən "bə amerika mərdumi vəynə informasiyə hərəkətonədə iştirokəkon cəzo doe ro" çe Obama, Bayden, Hillari Klintoni, MKİ və FTB navkonə rəhbəron Bernan və Komi əməlon tədğiğ karde vanq kardəşe. Vey eksperton, çın əməlon ətrofədə ajiotaj ros kardə bıboən, bə qınokon cəzo doe mumkun nıbə ko be bəyon kardedən.