Azərboyconədə NATO baza bə çiçi lozıme?

Oxonə rujonədə Azərboyconi iyən Tırkiyə hokuməti informasiya vasitonədə Azərboyconədə NATO bazon və Tırkiyə ərteşi iyo varde vocibəti barədə məqalon dərc kardə bedən. Bə ımi səbəbən Rusiyaku mudafiyə votə bedə

Azərboyconədə NATO baza bə çiçi lozime?

Oxonə rujonədə Azərboyconi iyən Tırkiyə hokuməti informasiya vasitonədə Azərboyconədə NATO bazon və Tırkiyə ərteşi iyo varde vocibəti barədə məqalon dərc kardə bedən. Bə ımi səbəbən Rusiyaku mudafiyə votə bedə.

Azərboyconi Minval və Caliber nəşronədə, çe Tırkiyə hokumətpərəst Yeni Şafak rujnomədə Azərboyconi Rusiyaku mudafiyə məğzinə indentik məqalon dərc bən. Əvon həmmə bəi qəv, Moskovə Cənubi Qafqazədə təsiri qin karde, xarici ərteşi iyo varde bə məntəğə xəy be votedən. Azərboycono informasiya vasiton, "Rusiyə bə mıstəğıl Azərboyconi yimoi imkon doydəni", itərəfinə hərbi diktat bə orəx rəse bəyon kardedən. Əvon, Boku Moskova vəy se ro radikal qəmon şodoe huğuğ be —hətto NАТО bazon bə Rusiya sərhəd varde təklif kardən. Yeni Şafak ıştə məqalədə nıvıştə ki, Ankara de Moskova ın məsəlonış mızakirə kardə və qirəm eskalasiya bıbo əvon bə ımi umjən bəqınen. De çəvon fiki, Tırkiyə ərteşi Azərboyconədə be məntəğə əmniyətət qarante, co holədə rusiya işğoli ehtimol barze. Tırkiyə eksperton, Моskova çe Boku miyonədə tasıbi səbəbi, Rusiya iyən İroni reqionədə mevğeon zəif eqnıədə vindedən.Azərboconədə Tırkiyə ərteşi iyən İsraili bazon be hiçən sırr ni, intasi ısət çəvon rəsmi status se bə miyon beşə