Almaniya eks deputati 9 manq dastqirəti cəzo

AFR Myunhen Ali Reqional Məhkəmə  “Azərboyconi  ko”ədə navkonə deputat Eduard Lintnerış bə məmuron rışvə doədə taxsiko zınə.

Xeyli fəxt be dəvom kardə məhkəmədə bo siyosətmədori 9 manq şərti dastqirəti cəzo bırniyə bə.
Myunhen Sər Prokuratura Lintneri Azərboycon vəsaitonku istifodə karde bə məmuron rışvə doədə ittihom kardə be. Əv, Avropa Şura Parlament Assambleyadə (AŞPA) bə azərboyconi xəy sədo doe niyətədə be ro taxsiko zınə bə.
2008-2016-mınə soron Lintneri de kali şirkəti vasitə Azərboyconiku təxminən 4 milyon avro se votə bedə. Lintner 33 sor Bundestaqəda ko kardəşe və tosə 2010-minə sori AŞPA uzv bə.
Rışvə iddion mərkəzədə Meklenburq-Qərbi Pomeraniyaku bə Bundestaqi uzv Karin Strenz mandə be. Əvən AŞPA uzv bə və Azərboyconi tərəfdor hisob bedə be. Çəy Azərboyconədə bə siyosi məhbuson band hesoboti əleyh sədo doe bəyon kardə bedə. Karin Strenz 2021-minə sori martədə vəfotış kardə.