Almaniya silohin bedə 

Almaniya silohin be və Avropadə ən zumandə ərteş onoe eçıni barədə "Berliner Zeitung" rujnomə məlumotış doə.

AFR hokuməti 60-sə ziyod kontrakt baste, 20  Eurofighter ğırəkə, 3000 zirehinə maşin Boxer və  3500 finlandiya Patria Oyj kompaniya istehsol zirehinə transportyor, almaniya KNDS iyən Rheinmetal istehsol kardə Leopard 2 tank hırye eçınış qətə.
In kontrakton maliyə işqilon ni karde ro hokumət hərbi budcə 2 kərə ros karde və 2029-minə sori bə 162 мld avro bərosne. Bə çimo ro 500 mld avro məbləğədə xususi fond soxtə bəbe.
Ğərəz texnika hırye,  Almaniya bo hərbi infrastruktura inkşofi  sərmoyə bəno, ıştə peyk sistemi soxte ro 15 mld avro xarc bəka. Мıdofiyə vəzorət bepilotə texnoloqiyən xususi dığğətədə obəğəte və de almaniya Helsing iyən Quantum Systems kompaniyon yoləməbləğinə kontrakton bəbaste. Almaniya dı forma silohin be, bə dəvardə əsri 30-minə soron Hitleri kırtə mıddətədə silohin be oşedə, ımən ki hiçən bə çokə nitocon ədəni.