Ermənıston:İlham Əliyevi bəyonoton Əbu-Zəbiyədə bıə muzakirəon məntığiku bə kənoye

Ermənıstoni sərvəziri sıxanəvot işambə ruji bəyonış kardə ki,Ozərboycon Respublika reqiyonal kommunikasiyaon ojbemoni məsələ çe İrəvani rujnoməku xaric kardey anqıl ittihomon beəsose və bə Ermənıstoni ərazi təmomiyyət,milli suverenəti,dıqlə kişfəri dıtərəfinə yurisdiksiya tam rioyəti prinsipi bob bıə holədə,İrəvan bo de Boku miyono reqiyonal kommunikasiyaon təmin kardero hozzıye.

Ozərboycon Respublika prezdent İlham Əliyevi de “Zənqəzuri dəvardəco məntəğə” anqıl oxonə bəyonoton əloğədor ıştə musahibədə “Ozərboyconi molon və vətəndoon de Ermənıstoni və ya coqlə sərhəd xıdməton bəpe omuj nıqııno” və çı Ozərboycon Respublika ın marşrutu ıştə əraziyon miyono əloğə hisob kardey və Ermənıstoni bın məsələdə mevğey çokonə bey bəyon kardə Nazli Bağdasaryani votəşe:”İrəvani hiçvaxti çe İlhom Əliyevi sıxan iyən məntıği barədə qıləy sehbətış kardəni ”.