Trampi Hindistoniku tələb

AİŞ prezident D. Tramp Hindistoniku rusiya nati hıryeku dast kəşe tələb kardedə.

De çəy tələbi qirəm Hindiston rusiyaku nat hırye dəvom bıko, əv bo Hindistoni molon devlət tarif barz bəka. Hindistoni tərəfi bəyonış kardə ki, qirəm əvon RF nat hırye oğəton, əvon sori $11 mld ziyon bəkarden. Bın barədə Hindistoni "The Hindu" rujnomə nıvıştəşe.
De rujnomə nıvışte, Hindiston dınyoədə bə nati eksport iyən istifodə ro seminə keşfəre.
Ğərbi bə Rusiya noə sanksiyon bə peş Hindiston ıştə nat təloboti veyni de Rusiyə ercona nati bə jimon dəvonidə. Nav sanksiyon Hindiston ıştə nat təloboti cəmi 0,2%  rusiyaku sedəbe, ışət ın rəğəm bə 35-40% ros bə ki, ımən keşfəri umumi xarcış bə jiy eğandə, ğıymətış nəzorətədə oğətedə, infilyasiyə və qətedə.
AİŞ prezidenti hindostoniku tələb bə Hindiston molon tarifi bə 25% ros karde bəzne, ımən hindiston hokumətış yolə dilemmə vədə oğətə.