Qiloniku bə Kermonşahi iminə Ərbəyini ğatar bə ro dəğandey be
Şimol Osonə Ro 2 sər direktori votəşe: 800-sə ziyodə Ərbəyini zəvvoron iminə dəfə de ğatari bə Ərbəyini səyohəti beşeyro Rəştiku xaric bıən.
Rəşti Osonə Ro ıştə fəoliyyəti bino kardeyku 7 sori bədiqə çın ğatari bə Kermonşahi səmt bə ro dəqıniyə iminə ğatar bey işorə kardə Rəhmət Rəhmət Nejadi votəşe:865 nəfər Ərbəyini zəvvoron bə Xosrəvi sərhədi şey və bo Kərbəloey-Muəllo ziyorət kardero Rəşt Osonə Ro Stansiyaku iminə kərə bə Kermonşahi səmt bəro dəqıniyən. Qiloniku omə Ərbəyini ğatar bənə 8 salon iyən zaliku iborət dımərtəbəynə avtobusiye və çı har qıləy zali 108 sərnişin kırniye zıney bəyon kardə holədə əlovəş kardə:In ğatar maşki maştəvoni saat 4:30-ədə sərnişinon bə Kermonşahi səmt bəbarde.
Şimol Osonə Ro 2 sər direktori votəşe:Çın ğatari bəro dəğandey,çe Qiloni Osonə Ro xəttiku istifodə kardə holədə Ərbəyini zəvvoron vığandey prosesi hoston kardeyro qıləy muhimmə qəme.Əy əlovəş kardə:In zəvvoron Kermonşahiku bə Rəşt oqordıneyro həm lozımi tədbiron vindey bıə.