Barzə rusumon doə nəticə

Bə Hindistoni importi noə barzə rusumon Hindistoni de AİŞ əlağon darışte və Rusiyə iyən Çini rabiton ğoym karde bəzne

Barzə rusumon doə nəticəBə Hindistoni importi noə barzə rusumon Hindistoni de AİŞ əlağon darışte və Rusiyə iyən Çini rabiton ğoym karde bəzne. Bın barədə NYT rujnomə məlumot doəşe..De nəşri nıvıştəy, Hindiston və Amerika de Аvstraliya iyən Yaponiya çotərəfinə əmniyyətə dialoqədən (QUAD), Nyu-Dehliən çe Vaşinqtoni məntəğədə muhum tərəfdore.Rusumon barz karde Hindistoni bə Amerika eksporti bə kam bəkarde. Ğərəz bımon, AİŞ çe Hindistoni yolə ticori partnyore, Hindistonən çe amerika ticori partnyoron siyohiədə 10-minə vırədəy.Global Trade Research Initiative ıştə doə analiziədə, AİŞ joğo hərəkəton bə Hindistoni ıştə strateji mebğe ikərən diyə karde, de Rusiyə, Çin iyən əlidə keşfəron əlağon ğoym karde məcbur be ğeyd kardə. Senyabri sıftənə rujonədə Çin sammitədə Hindistoni Sər-vəzir Modi de əyo bə səfər omə RF prezident Putini iyən Çini lider Si Zin Peni muloğaton barde eçın qətə bedə.