Tolış şəhrıstoni inkişofinə vey muhimmə məsələon təğib kardey

De Qilon ostandari, Tolış şəhrıstoni fərmondor və cımə İmomi vindemonədə ım şəhrıstoni iştimoiyəti, mədəni iyən inkişofinə vey muhimmə məsələon təğib bıə.

Bə Qiloni Tele-Rədyo aqentəti raporti əsos, de Tolış şəhrıstoni cımə İmom Huccətul İslom vəlmuslimin Muctəba Nurzad iyən iyən Rıza Cəmşidi Sesari və Hadi Həxşınosi vindemonədə,Tolış şəhrıstoni oxonə məsələon və mıvzuon təğib bıən və bo məntəğə inkişofi, iştimoiyəti və mədəni koon bənav şeyro, bə icroiyə təşkiloton və co qılə məsulon həmkoəti  zərurəti təkid bıə.

İjən ım vindemonədə Qiloni ostandar, Tolış şəhrıstoni cımə İmomi iştimoiyəti və mədəni fəaliyətonku ğədrdonətiş karde və məzhəbi və dıvləti təşkilaton miyono bo bə millət, xıdmət rosniye keyfiyəti barzətiro, bə həmoətion zərorət təkidış karde.

Tolış şəhrıstoni cımə İmom həm ım şəhrıstoni iştimoiyəti və mədəni zərfiyəton bəyonış karde və məntəğə inkişofi cəhəto, bo həmkoətiro ıştə hozzoəti elonış karde.