36 həzo Qilonıjə zayir bə Kərbəlo vığandə bıən

Qiloni ostandari iştimoi və siyosi-əmniyyəti muavin bə ostan zayiron oqardeyro 25 tosə 30 qılə avtubosi ixtisos doeyku xəbəş do.

Bə Qiloni Tele-Rədyo aqentəti raporti əsos, Qiloni Ərbəyini ğərorqo sədri caneşin və ostandari iştimoi və siyosi-əmniyyəti muavin, Əli Bağıri de Tele-Rədyo aqentəti reportyori ixtisosi votımonədə votışe: Ərbəyini Qiloni zayiron səfə iminnə bərnoməku tosə ısət, 36 həzo nəfər bo Husey(ə)-i Ərbəyini mərosimədə iştirok kardeyro ıştə səfə elon kardışone və ım əyyomi mıddətədə de tədrici bo Ərbəyini beynəlxalğə iclosi iştirokiro bə Kərbəlo vığandə bıən ki ım zayironku 59 fayiz merd və 41 fayiz həm jenonku şomil beydən.

Əv ijən əlovəş karde: ım zayiron de umumi nəğliyot, ğətor və Rəşti beynəlxalğə aerportiku məxsusə pəremonon ıştə səfəşon əncom do. və təğribən 9 həzo zayir de 300 qılə avtubos Qiloniku  bə kişvəri marzon vığandə bıən.