Dindorə zənənon dastqir bən

Avqusti 17-də  sosial medionədə, Xəzər rayonədə ehsan baxş kardə 6 dindorə zənən xeyləğe polison tərəfo bə zorəti məruz mandə video pevolo bə. 

Əvon de dini ayinon və mərasimon nomi aksiyon dəvoneədə taxsin bedən.
“Ar-Rad info” “Telegram” kanali doə məlumotədə, Şəhla Fərəcova və de əy bə ico bə xonəxon dastqir bə ruj Xəzər Rayon Polis İdorə polison bə zənəni kə dəşən. 
Əvon bə Şəhla Fərəcova kəy şkaf səpe “Ya Hüseyn” ıvıştə flaşkart, bə kitobon miyon dimə sipyə ranqədə bə qılı ğaiınə kitob noəşone. Fərəcova bə həmonə kitobi dığğət kardeədə bə polison bəyon kardəşe ki, “çımı kədə cadu kitob ni, ım şımə noyone”.
Məlumotədə həmən, bə kə dəşə polison bə Şəhla Fərəcova biyəxonə metamfetamin narkotik maddə noe ğeyd kardə bedə.  Polison bə kə merdə şoyd vardəşone və bə Fərəcova dəvon bə ico şəkil kəşe tələb bışonən, bə ımi muəyysər be zənənin. 
Dılətonə Kon Vəzorəti Mətbuat Xıdməti doə məlumotədə votə bedə ki, bə huğuği zidd əməlon kardeədə taxsiko zınə bə 38 sininə Niqar Bağırova, 41 sininə Aytən İbrahimova, 44 sininə Şəhla Fərəcova, 50 sininə Xoşqədəm Quliyeva, 31 sininə Şərqiyyə Sadıqova və 52 sininə Arzu Huseynova qətə bən.
De məhkəmə ğərori çəvon har qılə barədə 3 manq mıddət dastqirəti tədbir vıjniyə bə.