Hukuməti haftədə Qilonədə 51 qılə ro loyihə bə istifodə doey bəbe
Qiloni əyoləti ro və avtomobil nəğliyyoti sər direktori votəşe:Viloyətədə çe hukuməti haftədə erjış 1 həzo 152 milyard tımənisə ziyodə 51 ro loyihə bə istifodə doey bəbe.
Hukumət haftə ğeyd kardə Fəriborz Muradi votəşe:Qilonədə erjış 1 həzo 152 milyard tımənisə ziyodə 51 ro loyihə bə istifodə doey bəbe.
Əy,əlovəş kardə:Imsor hukuməti haftədə bə istifodə doənin bıə loyihəonku dıminə dərəcənin roon və di roon 102 kilometr obod kardey,bino soxtey,ranq jey və asfalt kardey,min cumlə həm çe maqistralə roon 5 kilometriku ziyodə asfalt kardey həm heste.
Qiloni əyoləti ro və avtomobil nəğliyyoti sər direktori votəşe:Çın loyihəon bə həyot dəvordıney de viloyəti nəğliyyot infrastrukturi inkişof doey kəno,hərəkəti əmniyyəti barz kardeyədə,ro xıdməton səviyyə barzəti və çe di sakinon bə əsosə marşuruton beşemoni hoston kardeyədə muhimmə rol ifo bəkarde.