Qilonədə hukuməti haftədə 18 qılə turizmi loyihə ojbemon

Qiloni əyoləti Mədəni İrs,Turizm və Dasti Koon Sər İdorə rəyisi çe hukuməti haftə nezi çın əyoləti turizm sektorədə 18 qılə muhimmə loyihə ojbemonış elon kardə.

Yusif Səlmonxah çe hukuməti haftə nezi çın əyoləti turizm sektorədə 2 həzo milyard tıməniku ziyodə de şəxsi sektori investisiya 16 qılə muhimmə loyihə ojbemonış elon kardə və ın noiliyyətış çe sori şuori bə həyot dəvordıney və dəvominə məşğuləti inkişofı istiğomətədə təsirinə qəm hisob kardedə.

Əy,əlovəş kardə:Bə ın loyihəon 3 qılə mehmonxonə,8 qılə ekoturizm rezidensiya,2 qılə ənənəvi restoran,iqlə turizm kompleks,iqlə mehmoni kə və iqlə istirohət və sətasponey mərkəz həm daxile.Viloyəti Mədəni İrs,Turizm və Sənətkoəti Sər İdorə rəyisi votəşe:Şəxsi sektori sərmoyə və icro strukturon dastəqi nəticə bıə de ın turizmi loyihəon istifodə kardey 325 nəfər de dayimi və 583 nəfər həm de mıvəğğəti məşğuləti və ko təmin kardey bəbeyn.