Masalədə eyni vaxtədə məşğuləti icod kardə dıqlə loyihə ojbemon

Həşi 1404-ə sori de Hukumət Haftə eyni vaxtədə Moyəvonəti İdorə və de Bərəkəti Fondi bəico Masal şəhri mərkəzi baxş bıə Pirsara və Xudbəçər diyonədə sardə ovə moyon perosney şiklədə məşğuləti icod kardə dıqlə loyihəşon bə istifodə doə.

Masali vali və de çandə qrup icro strukturon məsul şəxson iştiroki və de 4 milyard tıməniku ziyodə krediti çın loyihəon ojbemoni mərosim bərpo bıə ki,4 qılə bəisə və 15 qılə ğeyri-sərostə fomədə ko vıron icod kardey bıə.Həmçinin çe Masali Mərkiyədə həm çandə qılə inkişofi loyihəon bə istismor rosney bıə.Bə ın loyihəon çe pardi ejey,roon obod kardey,Vəşme Səradə di parki və iqəvə pardi ejey və de 85 milyardiku veyə krediti çandə qılə co loyihəon həm daxile.

In mərosim çı Masali Merkiyə diyədə pardi loyihə icro bıə vırədə de Masali fərmondor muhəndis Ğısmətpur,qvardiya komandiri,fərmondori muavini, baxşdoron və de çın şəhri icro strukturonku bıə qıləy qrupi rəhbəron iştiroki bərpo bıə.