İroni milləti dayimi bey sırr ibemone

Tolışi Sınniyə Cımə İmom:Vəhdət de bə İlahi rismoni çanq jeye ki,hiç vaxti poə nibəbe.

Tolışi əyoləti sınniyə cımə imom Huccətulislom Huseyn Xanipur çın şəhri şiə və sınni alimon cəmədə de vəhdət haftə damey iyən de Peyğəmbər-Əkrəmi(s) və İmom Sadıği(ə) mevludi mınosibəti təbrikış vote və əlovəş kardə:Vəhdət fəğət de bə İlahi rismoni çanq jey bə dast omeydə ki,hiç vaxti poə nibəbe iyən İroni xalğ deştə dini bovə və etığodon çe dınyo mısılmonon miyono qıləy mislış nıbə ulqu iyən modele.

Əv,bənə Seyd Cəmoləddin Əsədobodi və İmom Xomeyni (r.ə) yolə şayir və alimon və yolə şəxsiyyəton və qəncinə ədəbiyyot və şeron beyış,çe İroni mərdumi dayimi ibemoni sırrış dıqlə muhimmə amilədə hisobış karde və votşe:Sədi və Hafizi şeyronədə və həmən İslomi vəhdəti əsəronədə çandə kərə bə sınni və şiəyon miyono vəhdəti təkidışon kardə.

Huccətul-İslom Xanipuri bə İslomi dışmenon ixtilof icod kardey səyon təkid kardə holədə votəşe:İslomi ğəssəm hardə dışmenon hiç vaxti beko nıştənin və dayima psixoloji əməliyyoton tərtib kardə holədə,bo İroni xalğ və İslomi dınyo vəhdət və ibemoni darışteyro cəhd kardedən.

Əv,Kərimə-Ğıronış bo insonon bə rostə ro səbəro kardero bıə qıləy ilahi nemətış hisob kardə və votəşe:Din çe şəxsiyyət və elmi mənbəy iyən İslomə din həm bənə qıləy komilə dini bə bəşəriyyəti ro nışon doydə.bəçəy xoto həm bpe zevği farğon bə kəno noey bıbu və de empatiya iyən mehribonəti əvəz bıənine.

Tolışi Sınniyə Cımə İmom əlovəş kardə:İronədə sınniyon və şiəyon çe vəhdət və həmdıləti kəno jiyedən və ım ibemonışon de bə ğohuməti əloğəon və hamsuyəti prinsipon rioyət kardə holədə zumandışon kardə.