Məhdiyə İsfəndiyori himoyədə Qilon ostani milləti cəmbemon

Qilon ostani kali şəhron millət cımə nımoji votey bəpeştə Məhdiyə İsfəndiyori qıləy kinəy ki, de Ğəzzə məzlumə millətiku himoyə kardey xoto Fransadə zindoni bıə, etırozinə qırdbemonışon bərpo karde

Məhdiyə İsfəndiyoriku himoyədə Qilon ostani milləti cəmbemon 

Qilon ostani kali şəhron millət cımə nımoji votey bəpeştə Məhdiyə İsfəndiyori qıləy kinəy ki, de Ğəzzə məzlumə millətiku himoyə kardey xoto Fransadə zindoni bıə, etırozinə qırdbemonışon bərpo karde.

Bə Qilon ostani tele rədiyo xəbəriyə mərkəzi raporti əsos cımə nımoji votey bəpeştə nımoj votəkəson Qilon ostani kali şəhronku əsliyə məydonon və came məçiti səhnədə de etırozinə qırdbemoni bərpo kardey, Fransa kişvərədə Məhdiyə İsfəndiyori zindoni kardeşon məhkum karde.

cəm bıə kəson Fransa zindoniku de nıbə şərti Məhdiyə İsfəndiyori təcili surətədə ozod bıeşon tələb karde.

təğribən 6 manqe ki, Ğəzzə milətiku himoyə əkə və insonə həxon mıdofiyə əkə İronıjə kinə Məhdiyə İsfəndiyori, Fransa zindonədəy.

İroni xarici koon vəzorətxonə həm çimiku bənav elonış kardə be ki, ın mevzu təğib kardə.