Rusiya de Belorusi bə ico hərbi təlimon
Sep 15, 2025 06:36 Asia/Tehran
Sentyabrə manqi 12-də Rusiya de Belorusiya "Ğərb-2025" hərbi təlimon çərçivədə strateji manevron bino bən.
Hərbi əməliyaton ha dı keşfəri əraziədə, Baltik iyən Barens dıyo akvatoriyadə dəvone be barədə RF mıdafiyə vəzorəti məlumot pevoloş kardə.
Təlimədə miyonərteş, miyonərozi və bə ittifoğ keşfəri vəynə aqresiyə sındene ro koalisyon daston əlağon idorəti eçınon bə jimon dəvonə be məlumotədə ğeyd kardə bedə.
Bə təlimon ŞHT, KƏMT iyən əlidə mıttəfığ keşfəron hərbi kontiqenton və operatin daston dəvət kardə bən. De təlimon anqıl Polşa ıştə de Belorusiya sərhədış dəbastə.
«Ğərb-2025» təlimon RF iyən BR miyonədə ımsor eçın qətəyon oxonə mərhələ bəbe. Təlimon sentyabri 16-də bə orəx bərəsen.