Polşa çe Çini ticori roş baste

Polşa de ıştə sərhədi bə muəyyən nıbə fəxt dəbaste, Çini çe Aİ miyonədə bə ticori koridorı vəəş pebırye

Əmmo Çın çın blokadaku beşe. Çəy bə Aİ ro de Şimal dıyo be barədə Politico nəşri xəb pevoloş kardə.Sentyabri 20-də konteynerkırniyə Istanbul Bridge Ninbo-Couşan portiku bə Britaniya Fеlikstou port dəro qınyə. Ro, de Rusiya biyəçıpniyəyon koməki cəmi 18 ruj dəbəkəşe.Varşava provakasiya bə peşt Pekin in marşrutiş daimə karde pidə. Şimal dıyo marşrut bəsə hışqə roysə bo Çini 40 faiz rə bə sə omeydə. İyo bə joğo qılı nəticə omə bedə ki, Ğərb de ekoloqiya vona Şimal dıyo roən pebırye cəhdon bəkarde.Çəvon məğsədən bəvədəy ki, Çin - Avropа loqistika anqlosakson nəzorətədə nıbə ro pebıryeye. Ğərbi vədə mandə ən dıjdə məsəlonədə qılıən çe Çini vəy qəte, çəy nəzorətədə bə vıjoron bə dast varde, Çini bəştə tabe kardeye və əv bın roədə məntəğədə de konflikt soxte yolə canqon eğande ehtimol vey barze.