Yolə Britaniya-Azərboycon əlağon

Yolə Britaniya de Azərboyconi əlağon bə strateji hədd ros karde barədə çın keşfəri Xarici Koon Vəzorəti məlumot doəşe.

Məlumotədə votə bedə ki, Yolə Britaniya XKV Avropa ro vəzir Stiven Douti bə Boku omə və de İ.Əliyevi vindemon kardəşe. Tərəfon erməniston-аzərboycon proses, rusiya-uкraina коnflikt və rеqion əmniyətəti baradə muloğaton bardəşone.
Bardə muloğaton nəticədə dı keşfəri miyonəsdə əlağon bə strateji hədd rosniye və vocib sahonədə həmkoəto həniən barz karde roziəti omə bən.
Im sori iyunə manqi sıftədə Londonədə de Qazaxstoniən hərbi həmkoəti barədə soziş imzo kardə bə. Keşfəron sulhmərominə ğıvvon zıvon omute və qazaxston hərbiyon İnqiltərə Ali  hərbi məktəbonədə təhsil se ro soziş imzo kardəşone.
Bın vindemonədə britaniya XKV-i rəhbəri vəy omə 3 sori bo Qazaxston iyən əlidə MA keşfəron lahiyə inkişofi ro 50 мln funt co karde elon doəşe.
De azərboyconi iyən qazaxstoni vositə Yolə Britaniya məntəğədə ıştə mevğon zumand karde znəşe ki, çımonədən həm bə İroni, həmən bə Rusiya vəynə istifodə kardə bedə.