Ultrareal robot

Çini AheadForm kompaniya de bəjiyə hisson pur ultrareal robotə səş numoyiş kardə.

Neyroseton iyən bionik teron bə roboti dimi əzəlon lovne və təbii reaksiyon nez emossiyon nuşu doe imkon doydə.
Xancouku bə AheadForm kompaniyə soxtə robot-humanoidi kəllə de ıştə dimi əzəlon bə hərəkət varde hissiyot numoyiş kardedə. Kırtə fəxtədə internetədə pevolo bə vidеоədə,  robot ıştə kəllə hərəkəti, çəş je və emosiyon nuşu doe bəlli bedə.
Proekti suni intellekti alqoritm de bionik teron bə roboti autentik hisson və mimiki reaksiya ifodə karde imkon doydə. 
De AheadForm kompaniya bino noə Hu Yuaxani bəyon karde, omə 10-20 sori insoni çe roboti miyonədə sərhəd bə minimum ebəqıniye. Kоmpaniya isət Real Elf roboton hozzo karde bini kardəşe ki, əvonən ətrofi hiss kardən, omutedən və əlağə bastən.
Kali eksperton ın ko bənə "de otəşi hənək karde" oşe, nəticə bevəc be barədə fikon bəyon kardedən.