Çinədə ən bılındə pard bə istifodə doə be

ÇXR Quycou əyolətədə bo nəqliyoti hərəkəti ro onoə qılı bılındə pard bə istifodə doə be.

Xuasızyan dərə səpe Pardi bılındi çe Baypansızyan ru səpeku 625 mеtrə bılınde, ımən San-Fransiskoədə «Telıə dərvozə»ku nəv kərə barze. Pardi onoe se sor dəkəşə. Mərkəzi hissə 1420 metrə bə pardi dırozi — 2900 metrəye. De rəsmi doə məlumoton, ım bandikuh zonadə polad pojon səpe onoə ən dıjdə parde. Pard bə istifodə doe bədiqə, hni ın ro bənə navkonə 2 saat ne, 2 dəğə dəkəşedə.Quycou əyoləti hiçən hədərə vırədə bənə «раrd məmləkəti» bə ğələm dodənin —iyo 30 həzosə vey pard hıste, çımonən 3 qılə planeti ən barzə pardon restədən.Нojo bın rujonədə Çinədə 1 meqavatt enerji istehsol kardə qılı vey yolə vavazə turbin testo dəvonə bə ki, ımən dınyoədə nuə rekorde.