İraği Tırkiyəku ovi doe rico

İraği Tırkiyəku bə Fərət və Dəclə ruon ha manq 1 mld kubəmetr ovi ziyod karde rico barədə, İraği Ov Təsərufat Vəzorəti penə vəzifəninə xonəxo məlumot doəşe.

In rico dəvardə həftə Tırkiyə iyən İraği penəvəzifəninə diplomaton miyonədə ov resurson bə ico istifodəro omə roziəti bə peşt kardə bə.
"İraği Ov resurson Vəzir Əun Diab bə Fərət və Dəclə ruon saniyədə tosə 500 kubəmetr ov ziyod vadoe ro ovardə ", - bın barədə ov təsərufat vəzorəti nımoyəndə Xaled Şamali bəyonış kardə.
İraği Ov təsərufat Vəzorəti ovardemon İrağ XKV Fuad Huseyni de Tırkiyə XKV Hakan Fidani Ankaradə oktyabrı 17-də bə ico  press-коnferensiya bədiqə kardə bə. İrağ və Tırkiyə miyono ov resurson ro  “çərçivə” soziş vəy oməyonədə İrağədə bastə bəbe.
İrağ, ıştə binevrə Tırkiyə peğətə çın dı ru ovə resursonku vey bə şıkrəye. Tırkiyə yolə proyekton, Cənubi-Şərği Аnatoliya proyekt anqıl onoə bəndon bə İrağ omə ovşon xeyli bə kam kardə. Nəticədə hışqi eqıniyə, bə ətrofi ziyon qıniyə və bə səhro peqardə.Holiədə İrağ ıştə navko sə ovi  40 %-sə bə kam ov sedə.
Kali keşfəron bə hamsuyon təsir karde ro ov heqemonətiku istifodə kardedən.
Dınyo resurson İnstituti bı nezıno İrağış bə ovə ğıt bə 25 keşfəri restəş dəğandəke ki, ımən çəy  ıştə ov resurson 80%-sə ziyod istofodə kardeku xəbə doydə.